Вікі-Летнік'17: хто з намі?

Author: l_wells. Link to original: https://falanster.by/be/wiki-letnik2017 (Belarusian).

Translations of this material:

into English: Wiki-Summercamp'17: who'll come with us? . 98% translated in draft. Almost done, let's finish it!
Submitted for translation by l_wells 20.05.2017
into Russian: Вики-Летник'17: кто с нами?. Translated in draft, editing and proof-reading required.
Submitted for translation by l_wells 20.05.2017

Text

Незабыўны тыдзень у коле аднадумцаў і ініцыятыўных людзей ужо чакае вас! Адчуваеце, што маеце патэнцыял пісаць/рэдагаваць/канструктаваць Вікіпедыю? Без лішніх словаў – запрашаем вас на Вікі-Летнік 2017!

Дзе: Беларусь

Працягласць: 11-17 ліпеня, 2017

Каманда Фаланстэра (falanster.by) сумесна з Вікі-супольнасцю ладзіць Вікі-Летнік’2017 – мерапрыемства для тых, хто хоча як мага больш даведацца пра Вікіпедыю, марыць стаць актыўным рэдактарам і жадае развіваць веды пра Беларусь і для беларусаў.

Цудоўная прырода будзе натхняць, вопытныя выкладчыкі падзеляцца розумам і карыснымі парадамі, правядуць майстар-класы па напісанню артыкулаў, стварэнню шаблонаў і выкарыстанню адкрытых ведаў.

Умовы:

запрашаюцца як вопытныя вікіфікатары, так і і навічкі, якія толькі робяць першыя крокі ў свеце Вікіпедыі

арганізацыйны унёсак за ўдзел у праекце: 20 рублеў - для шкаляроў і 30 - для студэнтаў, 40 рублёў - астатнім зацікаўленым (пры ўмовах папярэдняй працы з Вікіпедыей).

перавага пры выбары ўдзельнікаў надаецца дзяўчынам

Галоўнай мэтай Летніку мы ставім паскарэнне і ўдасканаленне абмену арганізацыйнымі, сацыяльнымі і тэхнічнымі ведамі паміж актыўнымі вікі-пачаткоўцамі і вікіпедыстамі з досведам.

Падчас Летніка ўдзельнікі даведаюцца пра тое, як напісаць добры артыкул, як правесці вікі-майстар-клас, якое месца займае “адкрытая культура” у спісу прыярытэтаў Вікі-сучаснасці, як стварыць шаблон ці бота і шмат іншых карысных і цікавых рэчаў. Мо вам таксама ёсць што распавесці? Будзем удзячныя, калі пажадаеце падзяліцца уласным досведам.

Для таго каб прыняць удзел, неабходна, каб вы былі актыўным удзельнікам Вікіпедыі і рабілі нешта з пералічанага спіса:

Пісалі артыкулы з нуля і папаўнялі ўжо існуючыя

Рабілі фота і дадавалі іх на Wiki Commons і ў артыкулы

Выпраўлялі арфаграфічныя памылкі за іншымі

Перакладалі тэксты

Не лічаце сябе вікі-сведкай? Гэта не праблема - проста рэгіструйцеся ў Вікіпедыі і пачынайце працаваць з ёй. Дасылайце свой нік або запыт на пошту [email protected] або проста шарце свае артыкулы пад тэгам #япішуўвікіпедыю.

Таксама запаўняйце анкету - мы звяжамся з найбольш актыўнымi ўдзельнiкамi па пошце цi ў соцсетках Вконтакте цi Facebook i запросiм на Летнiк.

Далучайцеся да вікі-руху!